رواية قلبي مملكه غير امووورتي محد يمكله

كيفكم هذي روااايه قريتها ومررررررررررررره اعجبتني
للكتتبه اماااااااااااااااااااااااااني}}كاتبه سعوديه
ولكم الروااايه

{{؟؟؟؟قـــــــلـــــــبي مملكـــــــه غيـــــــ امـــــــورتي ـــــــر ماأحد يملـــــــكـــــــه؟؟
بـ‏ــــــسم اللـ‏ــــــه الـ‏ــــــرحمن الرحـ‏ــــــيم،،
الـ‏ــــــسلام عليكـ‏ــــــم ورحمة اللـ‏ــــــه وبـ‏ــــــركاته،،
أتركـ‏ــــــكم مع قصتي الثانيه وانشاء الله تعجبكم وتوصل للمستوى اللي يرضيكم وأتمنى ماتأخذ من وقتكم الكثير وماتلهيكم عن الصلاه وهذا اهم شي بالحياه واول مايسأل عنه العبد يوم القيامه الصلاه وماتلهيكم عن أشغالكم وأحب اقول لكم انها تختلف عن روايتي الأولى<<كفايه حبها بقلبي وغيرها ماأريد أحباب>> والشخصيات مختلفه عن الأولى بكثير فأتمنى تعجبكم،،،
هنــــا حينما أحببت أن
أسطر أوراقـ?
وأملأها بحروفــ?
نقلتها لكم لتبقى مع مرور الأيام وأنا 6ـلى علم بأن
الدنيا ماهي الا كتاب وايام?ـا صفحات من السنين
تنطوي مع الزمن
وسوف يأتـ? يوم
تصل الي ن?ـايـ? ذلك الكتاب
صفحات مؤلمـ?
وصفحات سعيده
تلگ هي الحياة لن تدوم برخاء ولاشدة
وانما نترگ في?ـا بصمـ? وقد تكون عابره
واني 6ـلى عـلم اني سوف ارحل
ولاكن حروفـ? سوف تبقى كذگرى
أجد نفسـ? اگتب تلگ الحروف لاارادة
لم يبقى لي أي شمعـ? اضيئ ب?ـا
في ليلـ? معتمـ? بردها قارس وقد غاب بدرها
فأحببت أن اجمع أوراقي و آتي هنــــا
بين أحضانگم 6ـلنـ? أجد المكان الذي يحوي
أوراقي المبعثرة ..
6ـلني أجد الشمعـ? التي تضيئ لي دربـ? ...
فقراءه...
ممتعه ومسليه،،،
ألم يخفف أمل
وامل يحققه عمل
وعمل ينهيه أجل
ثم يجزى كل امرء بما فعل،،
قساوة قلوب،،
كره وحقد،،
حب وعطف،،
مشاعر متناقظه،،
متناثره،،مبعثره،،
كل هذا ماسوف تقرؤنه في روايتي فأترككم مع أول أجزاءها وانشاء الله تعجبكم،،،

الجـ‏ـــــ‏ـ1ـــــــزء الأول"
جالسه بغرفتها وتناظر مع شباك غرفتها تحاول تخفي الحزن والخوف من عيونها عاشت 19 سنه من عمرها بدون عطف وحنان أم وأب بس ماتنسى أخوها اللي عطاها حنان الأم والأب والأخ والصديق بنفس الوقت سكرت الشباك ومسحت دمعتها اللي نزلت غصب من عيونها وماتبي أخوها يشوف دموعها وتضيق خلقه وتشيله همها يكفي انه شايل همه بنفسه جلست على الكرسي واخذت الميك آب وحطت عليها بتخفي أثر الدموع والحزن من وجهها،،
:ليـ‏ــــــونه خلصتي نمشي
ليان بإبتسامه:دقايق بألبس عباتي
عبدالله وهو يرمي نفسه ع السرير:والله أحس عمي عنده شي
ليان:وأنا بعد وخايفه مره
عبدالله:لا انشاء الله خير وقام:يالله مانبي نتأخر
ليان وهي تلبس عباتها:يالله مع اني استحي اذا فيه جمعات بس الله يخلي مشاعل لي تريحني
عبدالله وهو طالع:فرق بينها وبين سلطان
ليان:والله مثل اختي وأكثر بعد
عبدالله:يـ‏ــــــاكثر قرقك خلصينا تأخرنا
ليان:هههههههه الله لايحرمني منك عبودي
عبدالله بنص عين:عبودي اصغر عيالك
طلعوا وركبوا السياره وراحوا لبيت عمهم للقصيم،،
>>ليان عمرها 20 حبوبه وطيبه ومتواضعه ومتوسطة الطول وجميله بمعنى الكلمه امها متوفيه يوم عمرها اربع شهور وأبوها ساكن بالقصيم صح طيب معها بس مشكلته اللي برأسه يسويه وعايشه مع أخوها عبدالله هنا بالرياض وصديقتها مشاعل اللي تعتبرها اختها واكثر بعد وخوافه مره>>عبدالله عمره 25 اخو ليان من أمها وأبوها طوله عادي وجسمه رياضي وبشرته عاديه مو لاأبيض ولا اسمر ووسيم وكل مواصفات الجمال فيه صديقه وتوأم روحه خالد وولد عمه ،،له اخوان وخوات من ابوه بس علاقتهم عاديه لأنهم بعيدين عنه >>


@@@@@@
في مكان ثاني استهبال وضحك ورقص وأنواع الفله جالسات الرباعي،،،>>
{اميره عمرها 19 حبوبه وطيوبه وابد ماتزعل وقلبها طيب تدرس بثالث ثانوي قمه بالجمال وشعرها طويل وحرير ولونه أسود وجسمها خياااال وطولها عادي واكثر ميزه فيها عيونها ،،،
ملاك عمرها 19تدرس بثالث ثانوي طيوبه وفرفوشه وتكتب شعر،،،
البتول عمرها 19 وتدرس بثالث ثانوي طيوبه وحساسه حيل وبسرعه تبكي،،،
شذى عمرها18 طيوبه وحبوبه وعقلها أكبر منها وفيها شوي عصبيه تدرس بثاني ثانوي،،
جود عمرها 19 حبوبه وطيوبه وعسل وفرفوشه والإبتسامه ماتفارقها،، وطبعا كلهن صديقات الروح بالروح واسرارهن عند بعض الإ شذى بنت عم أميره وفيها شوي أختلاط معهن وطبعآ ساكنات بالخبر،،،}
البتول:وأخيـ‏ــــــرآ أجتمعنا
جود:والله الدراسه تعب هذا وحنا أدبي الله يعين العلمي
أميره:شذى كل يوم تأفف وتذمر ياليتني مادخلت علمي ياحظك ياأميره أدبي
ملاك:أقووول خلوا عنا الدراسه وسوالفها أبقولكم البارح رحت للسوق أنا وأختي وشفت شابين قمة الغرور بس يحق لهم عليهم جماااال ماينوصف
أميره:صـ‏ــــــدق اجل يبي لنا يوم نروح السوق
جود:والله مو مثل المزيون اللي عند مدرستنا
ملاك:عـ‏ــــــاد ذاك غير
أميره:أقووول بس وش رأيكن نتعشى لنا يوم بمطعم
جود:ياحسره من بيسمح لك
ملاك:عادي زي كل يوم نقول نجتمع عند وحده ونقول للسواق
أميره:ههههه ومصدقينا
البتول:وأنا اقول لسواقنا ومايقول شي
جود:لا أنا سواقنا مايقدر يسكت كل شي يقوله لنادر
ملاك:عندنا وعندك خير سواقنا مثل سواقكم
:قـ‏ــــــلت السوالف مالقيتن الإ السواويق
البنات بصرخه:هـ‏ـــــــ‏ــــــلا شذاوي وسلمن عليها
شذى:ليه ماقلتن لي انكن مجتمعات
ملاك بمزح:بنقولك بس جيتي قبل ماعندك وقت
أميره:شذى عمي عزيز جاء
شذى:لا بكره وبيجي خالد معه
أميره:وععععع ياكرهي له
ملاك:ولد عمتك نوف
شذى:ايه
جود:أخبارك شذى
شذى:بخيير بس مطفشتني هالدراسه
البتول:ماأحد طقك على أيدك وقال لك ادخلي علمي
ملاك:اووووف فكنا من الدراسه



مسند رأسه على سيت سيارته وينتظر صديقه يجيه"اوووف تأخر هذا مالي خلق بعد انتظر بالحرهذا "
فتح سامي وركب:تأخرت سلطان عليك
سلطان:لا عادي بس اركب
سامي وهو يسكر الباب:وش فيها الأخلاق تجاريه اليوم
سلطان:قـ‏ــــــهر أحبها وماأقدر اخذها الله يأخذ اخوها
سامي:اخطبها مره ثانيه
سلطان:وهذا شكل اللي بيصير
سامي:وألحين وين نروح
سلطان:فيه غيرها الأستراحه
بعد عشر دقايق وصلوا الإستراحه وراحوا للشباب،،>>
{سلطان عمره26 ولد عم عبدالله طويل وجسمه رياضي وبشرته بيضاء وله سكسوكه،،مغرور وعصبي مره واللي برأسه يسويه ويكره خالد وعبدالله كره وطبعا هم اعداءه اللدودين ،، صديقه سامي الروح بالروح ويحب لمى بنت واحد من قرايب امه وخطبها ورده اخوها}



مجتمعين أعمام عبدالله وليان،،>>محمد ابوه،،عبدالرحمن عمه وابو سلطان،،وناصر عمه وابو خالد،،،جالسين بمجلس الرجال ببيت عبدالرحمن
محمد:تأخر عبدالله
عبدالرحمن:الله يخليه لك رجال مو مثل سلطان ابد اللي برأسه يسويه
ناصر:هذا الجيل ألحين عنيد الله يهديهم

مشاعل:اوووف تأخرت ليان
ريم:تجي بس فكينا صدعتينا
>>تعريف بالعوايل،،{عبدالرحمن اخو محمد وناصر الكبير متزوج ساره وله ماجد الكبير وعمره 30 ومتزوج بنت عمه ناصر هدى وسلطان عمره 26 وفيصل عمره 23 ومنى عمرها 28 ومتزوجه ومشاعل 20 وأسماء 17،،،محمد وزوجته موضي تزوجها قبل تموت ام عبدالله بثلاث سنوات وعياله منها عامر وعمره 24 والكبير وريم عمرها22 وعمار وعمره19 ونهال عمرها 15 وغيداء 7سنوات**وعبدالله وليان زي ماقلت لكم عياله،،،
ناصر ومتزوج نوف عمة أميره وشذى وعيالها وليد وعمره 27 ومتزوج وهدى زوجة ماجد وخلود عمرها23 وخالد عمره 25 ومها عمرها 18 وفارس عمره 20 }
ومحمد وعبدالرحمن ساكنين بالقصيم وناصر بالرياض،،،


&&&&&&&&&
خلود:لا عمو تكفى لاتروح
عبدالعزيز:والله مشتاق لأهلي وأميره وشذى كل يوم يقولن لي تعال
:وأميـ‏ــــــره وأميره وش أميره هاذي
عبدالعزيز:يكفي انها بنت أخوي وأحسن وحده بالبنات
خالد:وععع ماأدري وش شايفين فيها
خلود:خـ‏ــــــالد بس احترم
عبدالعزيز:وانت غريبه مارحت مع عبدالله
خالد:معه ليان والإ اروح
خلود:ليه مارحت مع ابوي
خالد:نـ‏ــــــاقص أنا اروح ست ساعات لا ويمشي بشويش والسياره هدوء
عبدالعزيز+خلود:هههههههههههه احسن عشان تخف شياطينك
>>تعريف بالعايله{عبدالعزيز الأخ الصغير لعبدالله ابو اميره عمره 26 واخوانه عبدالله ونايف ,,, واخته نوف زوجة ناصر ،،،عبدالله وعياله وعد الكبيره وعمرها 22 ومتزوجه وليد ولد عمتها نوف،،واميره عمرها 19 وزياد عمره 18 ويزيد6سنوات الصغير،، ونايف وعياله شذى عمرها 18 وتركي عمره20 وجنى عمرها 14 ومهند عمره 5 سنوات}



وصلوا عبدالله وليان القصيم،،،
عبدالله وهو يرفع يديه بتكاسل:تعـ‏ــــــب والجو حار مره
ليان وهي تعدل عباتها:مرره بتدخل معي
عبدالله:لا بروح للرجال أكيد البنات مجتمعات
راح عبدالله للرجال وليان دخلت بيت عمها عبدالرحمن،،
مشاعل وهي تضمها:مشتااااقه لك اخبارك
ليان:وأنا بعد مشتااااقه لك أكثر
مشاعل وهي ماسكه يدها:تعالي ندخل عند البنات
ليان:دقايق بعدل شكلي
مشاعل:قمممر بس تعالي لانتأخر
فيصل نازل من غرفته وبإبتسامه:لااااا القمر عندنا
تغطت ليان وبحياء:اخبار فيصل
فيصل:بخير اخبارك انتي
ليان:بخير
راح فيصل للرجال ومشاعل وليان راحن عند البنات،،،

بعد ساعتين كل الشباب والرجال مجتمعين بالمجلس وسلطان بعد معهم،،،
عبدالرحمن:دام كلكم مجتمعين
الكل سكت وناظر له متحمس على سالفته
ناصر:تفضل يابو ماجد وش عندك
عبدالرحمن:والله ابي اخطب ليان لسلطان يامحمد كان ماعندك مانع
صـ‏ـــــــ‏ــــــدمه على وجه سلطان وعبدالله
محمد:اللي تبيه ياأخوي يصير
قام سلطان وبعصبيه:هذا اللي ناقص عاد اتزوج ليان قلن البنات
عبدالرحمن بفشله:سـ‏ــــــ‏ـــــــ‏ـــــــلطان
قام عبدالله وبقهر:وهذا اللي ناقص تزوج اختي قلوا الرجال وبإستهزاء:تـ‏ــــــزوج اختي واحد مثلك واشر بيده على سلطان
ناصر:تـ‏ــــــعوذوا من الشيطان
عبدالله:بعدين ليان يبيها خالد
سلطان"اوافق وش أنا خسران أضرب عصفورين بحجر عناد لعبدالله واحرم خالد منها":اللـ‏ــــــي تبي يايبه يصير بنت عمي والنعم فيها
عبدالله:مستحيل تزوجها
ابو عبدالله:عبدالله اعتقد أنا ابوك وحاظر
عبدالله:السموحه يبه بس سلطان مستحيل يتزوجها
سلطان بخبث:ليه وش فيني احسن من تجلس بالشقه لوحدها وانت بالدوام
ابو عبدالله:صادق سلطان وهنا احسن بعد
عبدالرحمن:وليان معزتها من معزة بناتي
عبدالله:بس يمكن ترفض
سلطان:مو على كيفها ماعندنا بنات يطلعن عن شورنا
عبدالله:لا والله مافيه شي بالغصب بعدين هذا زواج مو لعب
ابو عبدالله:لاتخاف سلطان وولد عمها اذا ماأسعدها مو ضارها
قام عبدالله وهو مقهور ومعصب وطلع"هذا اللي ناقص ليان تزوج سلطان يخوفها بس بعصبيته بعدين ادري مو حبآ فيها عناد لي ولخالد لا ويعذب اختي بعد"ركب سيارته وطلع جواله ودق على خالد
خالد:ياااااهلااااا وياااامسهلاااا
عبدالله:آآآآه قهههههر
خالد:خوفتني عبود وش صاير
عبدالله:آآآه بس وش اقولك
خالد:عبدالله تكلم
عبدالله:سلطانوه اكرهه
خالد:عبدالله وش فيه قل
عبدالله:عمي خطب له ليان....
قاطعه خالد:ليان اختك وأنا لايكون وافقت
عبدالله:شكل ابوي بيجبرها
خالد بعصبيه:لا والله وهذا اللي ناقص سلطان وليه مايخطب اللي يحبها لا ومالقى الإ ليان وأنا ابيها
عبدالله:والله احسه ناوي على شي
خالد:لاتستغرب عليه شي النذل
عبدالله:على العموم أنا شكلي برجع الليله للرياض
خالد:لا أنا بروح الشرقيه مع عمي عبدالعزيز
عبدالله:تراي مقهور على سلطان يالله مع السلامه
خالد:مع السلامه


البنات مجتمعات وفالتها سوالف وضحك،،
ريم:ليان ليه ماتسكنين هنا
ليان:ودي بس مستحيل اعيش بعيده عن عبدالله
مشاعل:وعبدالله ليه مايسكن هنا
ليان:وعمله والإ نسيتي
أسماء:بنات اسمع صوت عمي محمد
:السـ‏ــــــلام عليكم
الكل قام وسلم على محمد
محمد:ليان تعالي شوي معي
قامت ليان وطلعت مع ابوها وهي مستغربه وبنفس الوقت خايفه،،



بمكان ثاني مجتمعين وليد وزوجته وعد وخلود ومها عند امه،،،
وليد:يمه مابغيتم تروحون للقصيم مع ابوي
ام وليد:لا بنروح الشرقيه لأهلي
وعد بصرخه:صدق عـ‏ــــــمه
وليد وهو يغمز له:لا ياقلبي مستحيل تروحين عني
وعد:بس أسبوع تكفى
وليد وهو يهز رأسه:لاااا لاتحاولين بس
مها:وانت ماتمل من وجهها اربع وعشرين ساعه
وليد وهو يضم وعد:أنا أمل من القمر هذا
استحت وعد ووجهها صار ألوان
خلود:هههه فشلتها ارحمها حرام
مها:عادي زوجته
وليد:صادقه
{طبعآ زواج وليد ووعد له شهرين بس}



عند ابو عبدالله وليان،، ليان انصدمت بعد ماقالها ابوها عن خطوبتها لسلطان،،
قام ابو عبدالله:ترى بقول لعمك موافقه
ليان ودموعها تنزل:لا يبه أنا صغيره ومافكرت بالزواج بعدين كذا مرتاحه
ابو عبدالله:لا وبعدين البنت مالها الإ بيت زوجها وسلطان ولد عمك والنعم فيه
ليان:أنا ماقلت بسلطان شي الله يسعده مع غيري
ابو عبدالله وهو يطلع:تجهزي الزواج بالعطله الصيفيه وطلع،،،
ضمت يديها لوجهها وقعدت تبكي بقووووه
مشاعل:غريبه تأخرت ليان
ريم:وابوي طالع من عندها
أسماء:يمكن فيها شي
قامت مشاعل:تعالن نروح نشوف
قامن ريم وأسماء وراحن يشوفن ليان،،،
:الـ‏ــــــسلامـ‏ــــ وسكتن يوم شافن ليان تبكي
قربت منها مشاعل:ليـ‏ــــــان
رمت ليان نفسها بحضن مشاعل وكملت بكي
ريم:ليـ‏ــــــونه وش فيك
ليان بصياح:ابـ‏ــــــووي بـ‏ـيـ‏ــ زوجني
مشاعل:هههه وكل هالمناحه عشان زواج
ريم:صادقه خلينا نفرح فيك
رفعت ليان رأسها:ماقلتن من الزوج ياحسره
أسماء:صح من
ليان بصياح:سـ‏ــــــ ل طـ‏ــــا ن
البنات بصدمه:سـ‏ــــــلطان
ليان وهي تمسح دموعها:ايه
مشاعل بعدم تصديق:سلطان ولدنا
ليان:وفيه بالعايله غيره اسمه سلطان
أسماء بفرح:عادي فله تصيرين عندنا ياسلام
ليان:بس سلطان عصبي وغير كذا يحب لمى كيف اتزوج واحد يفكر بغيري
مشاعل بتخفف عنها:مصيره ينساها بعدين هي مالكه على صديق اخوها
ريم:صادقه متى
مشاعل:امس
أسماء:فكه منها وبصراخ:يـ‏ــــــاسلام ماني مصدقه ليونه عندنا
ليان"آآه سلطان عاد وعبدالله أخوي وش بيسوي اكره ماعنده سلطان بعدين ليه ابوي يجبرني أنا وليه أنا وعبدالله دايم الضحيه الله يسامحك يابوي"
مشاعل"والله سلطان اخوي واعرفه عصبي واكيد ناوي على شي الله يستر بس"

قام سلطان من عند الرجال وركب سيارته"هههه طيب احر عبدالله بأخته واحرمها من خالدوه بس تحلم بالعيشه اللي عاشتها عند عبدالله"طلع جواله ودق على سامي
سامي:ماأسرع تشتاق مارحت مني الإ لك ساعه
سلطان:لاتأخذ مقلب بنفسك بس بقولك خطبت
سامي:هههه مبرووك....
قاطعه سلطان:ياحسره وش تبارك لي عليه لمى وراحت خلاص
سامي بإستغراب:مين طيب
سلطان:بنت عمي محمد
سامي:لاااا اخت عبدالله
سلطان:ايه شفت وش صار بالدنيا اخر وحده فكرت اتزوجها بس عناد لعبدالله وعشان احرم خالد منها مثل ماانحرمت من لمى
سامي:والله انك خطير بس حرام مالها ذنب البنت
سلطان:اقول لاتفتح معي مواضيع أنا في غناء عنها


عبدالله واقف عند الباب بيدخل عند ليان،،،
ريم:بتدخل عبدالله مافيه احد تفضل
عبدالله:وين ليان
ريم:داخل
دخل عبدالله وطلعت ريم وسكرت الباب،،
ليان يوم شافت عبدالله رمت نفسها بحضنه وبكت
عبدالله بحنان:ليونه ليه الصياح ارفضي وخلاص
ليان بصياح:ابـ‏ـــــ ووي يـ‏ــ قـ‏ـ ول زواجك بالعطله
عبدالله بصدمه:صدق وماتكلمتي
ليان:تكلمت بس انت تعرف ابوي اللي برأسه يسويه
عبدالله بحزن:الله يعين عاد ابوي مستحيل يتفاهم معه


&&&&&&&&&&&&

صحت ليان من النوم وهي تحس بجوع ناظرت بالساعه6 الصباح والكل ببيت عمها نايم وعبدالله رجع للرياض وهي بتجلس وتروح بعد يومين بيوديها عامر،،دخلت الحمام واخذت شاور ينشطها وطلعت صح اقنعنها البنات بسلطان وخففن عليها بس خايفه من المستقبل طلعت من الغرفه وهي لابسه بيجامه وردي وعليها رسومات"بروح المطبخ مافيه احد العيال والكل نايم"دخلت المطبخ،،
ليان:صباح الخير
سيتي:صباه النور مدام
ليان وهي تجلس على الطاوله:ابي بس كوب حليب
سيتي:مايبقا فطور
ليان:لا ماأحب افطر بس اشرب كوب حليب او شاهي
جابت لها سيتي الحليب قامت وفتحت الثلاجه واخذت كندر ورجعت لمكانها،،،

طلع سلطان مستعجل من غرفته بيروح الدوام لابس ثوبه وشماغه بيده"بدخل المطبخ اخذ لي جالكسي جوعان"
دخل المطبخ ووقف فجأه"من هاذي وععع العيون تشبه عيون عبدالله أكيد ليان"
وقفت ليان وطاح الكوب وانكب الحليب على رجلها بس مو حار "ياويلي من هذا ألحين يحسبني طالعه كذا واترزز قدامه فشله وش بيقولون عني ماتستحي بعدين ليه يناظر لي كذا"
دخل سلطان بدون مايكلمها وفتح الثلاجه واخذ جالكسي ولف لها وقرب منها
خافت ليان ورجعت وراء
مسكها سلطان مع وجهها:حلوه بس عيبك الوحيد تشبهين عبدالله
بعدت يده عن وجهها:احترم نفسك واطلع
سلطان:هههه اعتبري هاذي النظره الشرعيه وطلع،،،
ليان"حسبي الله عليك قليل أدب"وناظرت لرجلها"اووف مع انه مو حار بس رجلي قلب لونها أحمر بنادي سيتي تنظف المطبخ"طلعت وقالت لسيتي تنظف المطبخ وراحت للغرفه،،دخلت الغرفه"حتى حليبي ماشربته الله ينغص عليك قليل أدب بس نظراته نظرات حقد وكره"انسدحت على السرير وكملت نومها،،،



الساعه 5 العصر صحت أميره من النوم واخذت شاور ولبست واخذت عباتها وشنطتها ونزلت بتروح لصديقاتها،،
زياد وهو بيصعد الدرج:على وين
أميره بكذب:بروح عند صديقاتي نذاكر
زياد:وي وي باقي ثلاث أسابيع على الأختبارات واللي اعرفه انك ماتراجعين الإ ليلة الأختبار وزين بعد
أميره:كيفي طيب ودي اراجع
زياد وهو يروح لغرفته:المهم الساعه 9 تكونين موجوده ودخل غرفته
أميره بنفسها"ايه انتظرني بس هذا اللي ناقص ابوي مامنعني اطلع يجي بعد هذا"وطلعت جوالها ودقت على شذى
شذى:هلا وينك
أميره:اطلعي بمر عليك
شذى:عند من البنات مجتمعات
أميره:عند البتول
لبست عباتها وطلعت وركبت مع السواق واخذوا شذى وراحن للبتول،،،



البتول جهزت المجلس لهن وبخرته وجالسه تنتظر البنات،،
طلال طالع من غرفته ولمح البتول وراح لها
طلال وهو فاتح عيونه ع الأخير: وش ذا وبعدين لمن و...
قاطعته البتول:بسم الله اعتقد كلها قهوه وحلى
طلال وهو يجلس:طيب ضيفي اخوك
البتول:قـ‏ــــــم بس قم يجن البنات ألحين
طلال:افا تطردين اخوك الكبير
البتول بعصبيه:اقـ‏ــــــول اطلع ودق جوالها وناظرت وبصراخ:طـ‏ـــــــ‏ــــــلال بسرعه اطلع البنات وصلن
قام طلال:بسم الله بطلع لاتاكليني بس وطلع
فتحت البتول الباب للبنات،،
ملاك:ساعه عشان تفتحين
البتول:اولآ سلمي وسلمت عليها
وصلن البنات كلهن ودخلن بالمجلس،،
جود وهي تنزل عباتها:كني أشم ريحة عطر رجال
أميره:هذا اللي همك من كثر ماتفكرين فيهم
ملاك:صادقه حتى أنا أشم
البتول:ارتاحن اكيد ريحة عطر طلال لأنه داخل قبل شوي
أميره:نبي نستأنس ترى مابقى شي ع النقص الأختبارات
ملاك:ياكرهي لهن يهدن الواحد هد
شذى:احمدن ربكن ادبي مو علمي
أميره:رجـ‏ــــــاء فكنا خلاص ليتني مافتحت الموضوع



عبدالله جالس بغرفته ويفكر"ألحين ليه سلطان رفض ويوم تكلمت وافق أكيد بيقهرني او يتحداني بس ليان حساسه ومارايحه تحمل سلطان أنا برأسي ماأتحمله كيف ليان عاد"دق جواله وقطع عليه تفكيره ناظر"سلطان غريبه"
عبدالله:نـ‏ــــــعم
سلطان"وبدون نفس يرد بعد":السلام عليكم
عبدالله"وش يبي ويسلم بعد غريبه":وعليكم السلام
سلطان:علومك ياولد العم والنسيب المستقبلي
عبدالله:بخير دامي ماسمعت صوتك
سلطان:على العموم داق أقولك اني يوم وافقت مو حبآ بأختك لا عشان تعرف اني رجال وغصب عنك
عبدالله:هههههههههه رجال احسبك بنت بس الحمدلله انك ذكرتني
سلطان بعصبيه:تضحك طيب اختك بتصير ضحيه والسبب انت وقفل بوجهه،،
عبدالله"وجععع قفل احسن بس والله اني خايف على ليان بس سهله اقنعها وترفض بس ابوي كيف اقنعه هاذي البلشه"قام وراح للمطبخ واخذ عصير كوكتيل ورجع وجلس بالصاله"اوووف ملل حتى خالد مو فيه"



ليان ومشاعل جالسات بغرفة مشاعل،،
ليان:مشاعل بقولك شي
مشاعل:تفضلي
ليان:أنا استخرت وماارتحت
مشاعل:شوفي أنا بقولك شي وأتمنى ماتزعلين
ليان:قولي عادي
مشاعل:لاتوافقين على سلطان لانه مايناسبك بعدين عصبي وغير كذا انتي تعرفين علاقته مع عبدالله
ليان:بس ابوي جابرني حتى اليوم قالي يوم قلت له
مشاعل:عاد هاذي صعبه عمي الله يهديه اللي برأسه يسويه



عند البنات البتول وصديقاتها فالتها سوالف وضحك واستهبال،،
جود:بنات توقعن الساعه كم
أميره بصرخه:10 ونصف
ملاك:فشله من العصر هنا
البتول:عادي 10ونصف مي 3 ونصف او 4
دق جوال أميره
أميره:زياد أكيد بيجي وردت:هلا
زياد بعصبيه:أحـ‏ــــــسن شي نامي عندهم بعد
أميره:ترى الساعه 10ونصف
زياد:ان شااءالله 2 اطلعي بسرعه أنا عند الباب وقولي لشذى تطلع معك
أميره:طيب خمس دقايق واطلع
البتول:لا يكون بتروحين
قامت اميره:ايه زياد عند الباب ويالله شذى
ملاك:تداومن السبت
أميره:اكيد وانتي
ملاك:ايه
طلعن أميره وشذى وبعد عشر دقايق رجعن البنات لبيوتهن،،




ليان اذا قالت لابوها يسمع كلامها او يرفض!؟ وسلطان وش ناوي عليه يتزوجها او لا!؟وعبدالله يسوي شي او لا!!؟

يلا ابي ردوووود وتفاااااعل واكمل لكم الروااااايه