طبع القلوب.............

( طبع القلوب )
************
كدابين كل اللى قالوا العين بتعشق
طــب مانـتى حــلوه فى كل عـيـن
العشـق من طـبـع الـقلوب
أما العـيـون دايما تخـــون
** ** **
وانا لما حبيتك قلبى هو اللى ابتدا
حسيت كأنه فجر مولود بالندى
حسيت بدقه فيه رقه
فيها شوق كل الحبايب
فيها همسة حب دايب
تسعد القلب الحزين
هو ده طبع القلوب
أما العـيـون دايما تخـــون
** ** **
وابتديت اشتـــاق اليكى
لو بعدتى عنى ثانيــــه
ولو ايديا لمست ايديكى
كنت اتوه فى دنيا تانيه
دنيا مخلوقه عشــــــانا
دنيا مش ممكن تكـــون
هو ده طبع القلوب
أما العـيـون دايما تخـــون
** ** **
العـيـون بـتـشوف وبس
أما القلوب دايما تحس
احساس مايعرف ارض ووطن
ولا له مكان ولا له زمن
احساس بقرب الحبيب للحبيب
يهز المشاعر بهمس الشجون
هو ده طبع القلوب
أما العـيـون دايما تخـــون
********************

شكرا على القصيده الررررررررررررررررررررررررائعه